(1) Chahton ki dori
Chahton ki dori bhi,
Torna hi parti hay
Manzilon ki kashti bhi,
Morna hi parti hay
Bhoolna hi parta hay,
Khud say piyaray logon ko
Aur dil kay aangan mein,
Naqsh un ki tasweerain
Kuch haseen lafzon ki,
Kuch haseen tehreerain
Paaoon jin mein jukrain hon,
Kholna hi parti hain
Khoobrurat aankhon mein basnay walay khawbon ko
Nochna hi parta hay
Dil say milta her rishta torna hi parta hay……
kiun keh……
Izzaton say barh ker tou aur kuch nahee hota!!!
(2) Mere baghar mukamal nahi hai zat us ki
wo mujh ko jurm-e- mohabat ki yu saza dega
k lohe dil se mera naam tak meta dega
mujhe ye zid hai k meri ana rahe baqi
use ye zagham k akhir mujhe jukha dega
me ranjeshon se zamane k har jawaon agar
wo aik shaks mera hosala barha dega
bajaye dost k tum apne doshmano se milo
k ye ammal tu kaiy rangeshey meta dega
mere baghar mukamal nahi hai zat us ki
ye ighteraf-e- mohabat mujhe rula dega
(3) Dil dharak utha mera
Khamoshi mein shor tha
Us ne kaha kuch bhi nahi
Tujh ko kya maloom aye jaane jahan tere baghair
Mera jeevan kut gaya aur main jiya kuch bhi nahi
Hukum ye humko mila uske siwa kuch mangiye
Uth gaye dast-e dua lab pe dua kuch bhi nahi
Tere khatir umar bhar ka rat jaga humko qabool
Chahatoun mein ek shab ka jagna kuch bhi nahi
Pyar se dekha mujhe lab bhi hiley us k Khalil
Dil dharak utha mera lekin hua kuch bhi nahi
(4) Pyaar ka meetha ehsaas
Pyaar ka meetha “Ehsaas” dilane laga hai tu
Ab to mujh se mujhi ko churane laga hai tu
Teri chahtooN ka chaaya hai saroor is qadar
Har pal har jagah nazar aane laga hai tu
Veeraan thi yeh zindgi tere aane se pehle
Khushiyoon ke sapne mujhe dhikane laga hai tu
Har pal mujhe hota hai bas tera hi “Ehsaas”
Is qadar meri saansoN mein samaane laga hai tu
Ek pal ki bhi doori seh nahi paata hoon main
Hoke juda kyun mujhe azmaane laga hai tu
Raah chalte hue aksar hota hai yeh gumaan
Ke ban saaya saath mere aane laga hai tu
Naam koi bhi looN to naam aaye tera labooN pe
Ban ke jadu meri rooh mein samaane laga hai tu
Teri yadoon se hi aksar hota hai dil munawwar mera
Ghul ke saath lahoo ke nas nas mein samaane laga hai tu
Jaane kaun si dor hai teri aur kheench le jaati hai
Mujh ko apna deewana banaane laga hai tu
Tasvvur mein aksar hota hai yeh mehsoos mujhey
Chorr k duniya meri baNhooN mein samaane laga hai tu
Yeh to bata ke kya naam dooN iss deewangi ko
Bechain kar ke har lamha mujhey tadpaane laga hai tu
Tere khayalooN se mehekne lagti hai zindagi meri
Mere zehn-o-dil pe is qadar chhaane laga hai tu
Yeh masoomiyat yeh bholapan yeh saadgi teri
Mujh ko har adaa se ab satane laga hai tu
Zeest ke rahooN mein dhoop thi har taraf
Apney pyaar ki barish ko barsane laga hai tu
Kya is baat ka tujhey “Ehsaas” hai “Jaan”
Mere har sher mein har Gazal mein aane laga hai tu
|
